कुलिङ पिरियड बदमासी प्रकरण छानबिनका लागि सात सदस्यीय समिति गठन

संघीय निजामती सेवा विधेयकमा उल्लेखित कुलिङ पिरियडको व्यवस्था हेरफेर सम्बन्धी प्रकरण छानबिन गर्न गठित विशेष समितिको सदस्यहरूको नाम टुंगिएको छ।

यस समितिमा नेपाली कांग्रेस र नेकपा एमालेबाट दुई-दुई जना तथा नेकपा माओवादी केन्द्र, राष्ट्रिय स्वतन्त्र पार्टी र राष्ट्रिय प्रजातन्त्र पार्टीबाट एक-एक जना गरी कुल सात सदस्य रहनेछन्। सभामुख देवराज घिमिरेको सचिवालयका अनुसार, नेपाली कांग्रेसबाट जीवन परियार र सुशीला थिङ, एमालेबाट ईश्वरी घर्ती र नारायण प्रसाद आचार्य, माओवादी केन्द्रबाट माधव सापकोटा, राष्ट्रिय स्वतन्त्र पार्टीबाट गणेश पराजुली र राष्ट्रिय प्रजातन्त्र पार्टीबाट रोशन कार्की सदस्य रहेको जानकारी दिइएको छ।

Ads

Ads

Ads

सभामुख घिमिरेले प्रतिनिधिसभाको आजको बैठकमा विशेष समितिको औपचारिक घोषणा गर्ने जनाइएको छ।