सामसङले नेपालमा ए–सिरिजलाई विस्तार गर्दै नयाँ ग्यालेक्सी ए१७ फाइभजी सार्वजनिक गरेको छ। यो स्मार्टफोन तीन भेरियन्टमा उपलब्ध हुनेछ, जसको मूल्य क्रमशः ८/२५६ जीबीका लागि रु. ३४,९९९, ८/१२८ जीबीका लागि रु. ३०,९९९ र ६/१२८ जीबीका लागि रु. २८,९९९ तोकिएको छ।
यसमा ६.७-इन्च सुपर अमोलेड डिस्प्ले ९० एचजेड रिफ्रेस रेटसहित रहेको छ, जुन अझ पातलो र हल्का डिजाइनमा आएको छ। फोनमा ५० एमपी ओआईएस मुख्य क्यामेरा, ५ एमपी अल्ट्रा-वाइड र २ एमपी म्याक्रो लेन्स समावेश छन्, जसले विभिन्न खिचाइका विकल्प उपलब्ध गराउँछ।
साथै, यसमा जेमिनी इन्टिग्रेशन, जेमिनी लाइभ र सर्कल टु सर्च जस्ता एआई टुलहरू प्रयोग गर्न सकिन्छ। सामसङ नेपालका निर्देशक प्रणयरत्न स्थापितका अनुसार ग्यालेक्सी ए१७ फाइभजीले उपभोक्तालाई अझ स्मार्ट, सहज र व्यक्तिगत अनुभव दिने लक्ष्य राखेको छ।
फोनमा गोरिल्ला ग्लास भिक्टस र आईपी५४ डस्ट तथा स्प्ल्यास रेजिस्टेन्सजस्ता मजबुत सुरक्षा सुविधा दिइएको छ भने कम्पनीले यसमा छ वर्षसम्म सुरक्षा अपडेट र छ ओएस अपग्रेडको ग्यारेन्टी प्रदान गर्ने जनाएको छ, जसले दीर्घकालीन मूल्य सुनिश्चित गर्छ।
प्रतिकृया