रवि लामिछानेले बोलाए सर्वदलीय बैठक

राष्ट्रिय स्वतन्त्र पार्टी (रास्वपा) का सभापति रवि लामिछानेले समसामयिक राजनीतिक विषयमा छलफल गर्न सर्वदलीय बैठक बोलाएका छन्। बैठक आज सोमबार बिहान ९ बजे सिंहदरबारस्थित सङ्घीय संसद् सचिवालयअन्तर्गत सार्वजनिक लेखा समितिको हलमा बस्नेछ।

बैठकमा प्रतिनिधिसभा तथा राष्ट्रियसभामा प्रतिनिधित्व गर्ने सबै राजनीतिक दलका अध्यक्ष/सभापतिसहित दुई/दुई जना प्रतिनिधिलाई आमन्त्रण गरिएको छ। समसामयिक राजनीतिक विषयमा साझा धारणा निर्माण र छलफल गर्ने उद्देश्यले बैठक आयोजना गरिएको रास्वपाले जनाएको छ।

सर्वदलीय बैठकको सूचना तथा औपचारिक आमन्त्रण पत्र प्रतिनिधिसभा र राष्ट्रियसभामा प्रतिनिधित्व गर्ने सबै राजनीतिक दललाई पठाइसकिएको छ।