न्याय परिषद्ले उच्च अदालतका सात जना न्यायाधीशको जिम्मेवारी हेरफेर गर्न सिफारिस गरेको छ। मंगलबार बसेको परिषद्को बैठकले तीन जनाको सरुवा र चार जनालाई काजमा अन्यत्र खटाउन सिफारिस गरेको हो।
सिफारिसअनुसार उच्च अदालत विराटनगरका न्यायाधीश महेन्द्रनाथ उपाध्यायलाई उच्च अदालत जनकपुरको वीरगन्ज इजलास, जनकपुरका मुरारीबाबु श्रेष्ठलाई इलाम इजलास तथा वीरगन्ज इजलासका रितेन्द्र थापालाई नेपालगन्ज इजलासमा सरुवा गर्न प्रस्ताव गरिएको छ।
यस्तै, इलाम इजलासका नातिबाबु लामिछानेलाई उच्च अदालत पाटन, वीरगन्ज इजलासका गोकर्ण डाँगीलाई सर्वोच्च अदालत, नेपालगन्ज इजलासकी सकुन्तला घिमिरेलाई जुम्ला इजलास तथा वीरगन्ज इजलासका अर्जुन अधिकारीलाई सर्वोच्च अदालतमा काजमा खटाउन सिफारिस गरिएको छ।
यसै बैठकले नवनियुक्त तीन जना न्यायाधीशको पदस्थापनसमेत सिफारिस गरेको छ। भद्रकाली पोखरेललाई उच्च अदालत सुर्खेत, हिमलाल बेल्बालाई उच्च अदालत जनकपुर र गजेन्द्रबहादुर सिंहलाई उच्च अदालत विराटनगरमा पदस्थापन गर्न सिफारिस गरिएको छ।
![अर्थ मन्त्रालयद्वारा ‘पुँजी बजार सुदृढीकरण तथा पुनरूत्थान कार्ययोजना, २०८३’ सार्वजनिक [पूर्णपाठसहित]](https://bajarkochirfar.com/wp-content/uploads/2026/06/Stay-Updated-With.-1-17-150x150.png)
प्रतिकृया