गभर्नर नियुक्तिको विषयलाई लिएर सत्तारूढ दलहरू नेपाली कांग्रेस र एमालेबीच विवाद चुलिँदै जाँदा प्रधानमन्त्री केपी शर्मा ओलीले आज (मंगलबार) साँझ ५ बजे मन्त्रिपरिषद् बैठक बोलाएका छन्। प्रधानमन्त्री निवास बालुवाटारमा बस्ने उक्त बैठकका लागि प्रधानमन्त्री ओलीले बैठकअघि कांग्रेस सभापति शेरबहादुर देउवासँग छलफल गरेका थिए।
यसअघि सोमबार बस्नुपर्ने मन्त्रिपरिषद् बैठक प्रधानमन्त्री ओलीको स्वास्थ्य कारण देखाउँदै स्थगित गरिएको थियो। तर, मंगलबार उनी देउवालाई बालुवाटार बोलाई गभर्नर नियुक्तिको विषयमा छलफल गरेका छन्। सोही छलफलपछि मन्त्रिपरिषद् बैठक डाकिएको हो।
गभर्नर नियुक्ति प्रक्रियामा भइरहेको ढिलाइका कारण सत्तारूढ गठबन्धनभित्र अविश्वास बढ्दो छ। देउवा पक्ष गभर्नरमा विश्व पौडेलको नाम अघि सारे पनि ओली पक्षले सहमति जनाएको छैन। गभर्नर सिफारिस समितिको बैठकसमेत हालसम्म बसेको छैन, यद्यपि यो समाचार तयार पार्दासम्म पनि समिति निष्क्रिय नै छ।
चैत ११ मा गठन भएको सिफारिस समिति दुई महिनासम्म निष्क्रिय रहँदै पुनः दुई पटक पुनर्गठन गरिएको छ। समिति संयोजक अर्थमन्त्री विष्णु पौडेल हुन् भने सदस्यमा पूर्व गभर्नर महाप्रसाद अधिकारी र अर्थविद् डा. पोषराज पाण्डे छन्।
गभर्नर नियुक्तिको निर्णय अपेक्षित आजको मन्त्रिपरिषद् बैठकबाट हुने अनुमान गरिएको छ, तर समितिको बैठक नबसेका कारण नियुक्ति अन्योलमै देखिएको छ।
![सेबोन अध्यक्ष भट्टले सार्वजनिक गरे पूँजी बजार विकासका १५ प्रमुख एजेन्डा [भिडियोसहित]](https://bajarkochirfar.com/wp-content/uploads/2026/07/89bc274a-9daf-4136-875c-cec0d72f8ee8-150x150.png)
![सेयर बजारका लागि कस्तो आयो मौद्रिक नीति ? [भिडियोसहित]](https://bajarkochirfar.com/wp-content/uploads/2026/07/maxresdefault-1-150x150.jpg)
प्रतिकृया