प्रधानमन्त्री कार्की र राष्ट्रियसभा अध्यक्ष दाहालबीच भेट

Ads

राष्ट्रियसभा अध्यक्ष नारायणप्रसाद दाहालले नवनियुक्त प्रधानमन्त्री सुशीला कार्कीलाई भेटेर बधाई तथा सफल कार्यकालको शुभकामना दिएका छन्।

मंगलबार बिहान बालुवाटारस्थित प्रधानमन्त्री निवासमा पुगेका अध्यक्ष दाहालले देशको समसामयिक राजनीतिक अवस्था, विकसित घटनाक्रम र राष्ट्रियसभाको कामकारबाहीबारे छलफल गरेका थिए।

Ads

दाहालले प्रधानमन्त्रीलाई बानेश्वरस्थित संघीय संसद भवन र सिंहदरबारस्थित संसद सचिवालयमा भएको क्षतिको अवस्थाबारे जानकारी गराएका थिए।

प्रधानमन्त्री कार्कीले मुलुकलाई शान्ति र स्थिरतामार्गमा अघि बढाउन राष्ट्रियसभाको भूमिका महत्वपूर्ण हुने उल्लेख गरिन्। साथै, वर्तमान संकटलाई पार गर्न सबै दल र पक्षले मिलेर अघि बढ्नुपर्नेमा उनले जोड दिएकी छन्।