पेट्रोलको भाउ १ रुपैयाँले बढ्दा डिजेल ४ रुपैयाँ घट्यो

नेपाल आयल निगमले आज  फागुन ३ को मध्यरातबाट लागू हुने गरी इन्धनको मूल्य समायोजन गरेको छ।

नयाँ मूल्यअनुसार पेट्रोल प्रतिलिटर १ रुपैयाँले बढेको छ भने डिजेल र मट्टीतेलको मूल्य ४ रुपैयाँले घटाइएको छ।

१५ फेब्रुअरी २०२५ मा इन्डियन आयल कर्पोरेशनबाट प्राप्त पेट्रोलियम पदार्थको नयाँ खरिद मूल्यअनुसार पेट्रोलमा ५८ पैसा वृद्धि तथा डिजेल र मट्टीतेलमा ३ रुपैयाँ ५९ पैसा कमी आएको थियो।

त्यसैको आधारमा निगमले मूल्य समायोजन गरेको विज्ञप्तिमा उल्लेख छ।