मङ्गलबार बसेको मन्त्रिपरिषद् बैठकले ११ वटा निर्णय गरेको छ, जसमा संघीय संसद्का पदाधिकारी तथा सदस्यहरूको पारिश्रमिक र सेवा सुविधा घटाउनेदेखि लिएर राष्ट्रपतिको कतार भ्रमण स्वीकृत गर्नेसम्मका विषयहरू समावेश छन्।
सरकारका प्रवक्ता तथा सञ्चार तथा सूचना प्रविधिमन्त्री जगदीश खरेलले बुधबार मन्त्रालयमा आयोजित पत्रकार सम्मेलनमार्फत बैठकका निर्णय सार्वजनिक गरे। उनका अनुसार सरकारले राष्ट्रपति रामचन्द्र पौडेल नेतृत्वको प्रतिनिधिमण्डललाई कतार भ्रमणको स्वीकृति दिएको छ।
राष्ट्रपति पौडेल नेतृत्वको नेपाली प्रतिनिधिमण्डलले कात्तिक १७ गतेदेखि २० गतेसम्म कतारमा हुने ‘सेकेन्ड वर्ल्ड समिट फर सोसल डेभलपमेन्ट’मा सहभागिता जनाउनेछ।
त्यसैगरी, मन्त्रिपरिषद्ले संघीय संसद्का पदाधिकारी र सदस्यहरूको पारिश्रमिक तथा सेवा सुविधा घटाउने निर्णयसमेत गरेको छ। यी निर्णयहरू आर्थिक मितव्ययिता र कूटनीतिक प्रतिनिधित्व सुदृढीकरण दुबै दृष्टिले महत्वपूर्ण ठहरिएका छन्।
प्रतिकृया