चुनाव नजिकिँदै गर्दा ओली–प्रचण्डबीच एक्लाएक्लै भेटवार्ता

नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ बीच आइतबार एक्लाएक्लै भेटवार्ता भएको छ। दिल्ली प्रस्थानको पूर्वसन्ध्यामा भएको उक्त भेटवार्ता करिब २५ मिनेट चलेको थियो।

प्रचण्डका प्रेस संयोजक गोविन्द आचार्यका अनुसार च्यासलस्थित एक घरमा दुई नेताबीच एक्लाएक्लै भेट भएको हो। उनका अनुसार भेटवार्तामा समसामयिक राजनीतिक अवस्था, राष्ट्रिय सभा निर्वाचन तथा फागुन २१ गते हुने प्रतिनिधि सभा निर्वाचनमा सहकार्य गर्ने विषयमा छलफल भएको थियो।