नेपाली कांग्रेसको विशेष महाधिवेशन पुस २७ र २८ गते काठमाडौंमा हुने

Ads

नेपाली कांग्रेसका विशेष महाधिवेशन पक्षधरहरूले पुस २७ र २८ गते विशेष केन्द्रीय महाधिवेशन आयोजना गर्ने घोषणा गरेका छन्। ५४ प्रतिशतभन्दा बढी महाधिवेशन प्रतिनिधिहरूले प्रस्ताव दर्ता गरेको जानकारी पत्रकार सम्मेलनमा दिइयो।

कार्यक्रम अनुसार पुस २७ गते भृकुटीमण्डपमा उद्घाटन हुनेछ र विभिन्न कार्यक्रमका लागि उपसमितिहरू गठन गरिएको छ। पार्टीले यो विशेष महाधिवेशन वर्तमान जटिल राजनीतिक परिस्थितिमा नेपाली कांग्रेसलाई सुदृढ, गतिशील र जनभावनासँग मेल खाने बनाउन अपरिहार्य भएको ठहर गरेको छ।

Ads

महाधिवेशनको माग पार्टी विधानको धारा १७(२) अनुसार गरिएको हो, जसअनुसार केन्द्रीय कार्यसमितिले आवश्यक ठानेमा वा ४० प्रतिशत प्रतिनिधिले लिखित अनुरोध गरेमा तीन महिनाभित्र विशेष महाधिवेशन बोलाउन बाध्य छ।

संकल्पपत्रमा सबै केन्द्रीय महाधिवेशन प्रतिनिधिहरूको सक्रिय सहभागिताका लागि अनुरोध गरिएको छ। पार्टीले व्यवस्थापकीय तयारी तीव्र गतिमा गरिरहेको जनाएको छ