वित्तीय खर्च घट्दा नेपाल हाइड्रो डेभलपर्सको नाफामा सुधार

नेपाल हाइड्रो डेभलपर्स लिमिटेडले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण प्रकाशित गरेको छ। वित्तीय विवरण अनुसार कम्पनीको खुद नाफा ३२.२६ प्रतिशतले बढेर ४ करोड ९८ लाख रुपैयाँमा पुगेको छ। अघिल्लो वर्षको सोही अवधिमा कम्पनीले ३ करोड ७६ लाख रुपैयाँ खुद नाफा कमाएको थियो।

यस अवधिमा कम्पनीको विद्युत बिक्री आम्दानी ८ करोड १५ लाखबाट १०.७१ प्रतिशतले बढेर ९ करोड २ लाख रुपैयाँ पुगेको छ। यता, वित्तीय खर्च १ करोड ६ लाख रुपैयाँबाट घटेर ५२ लाख ३२ हजार रुपैयाँमा झरेको छ। कम्पनीको सञ्चालन मुनाफा ७ करोड ६९ लाख रुपैयाँ र अन्य आम्दानी ११ लाख रुपैयाँ रहेको छ। यता कम्पनीको प्रशासनिक, बिक्री तथा वितरण खर्च २० लाख २ हजारबाट बढेर २४ लाख ८८ हजार रुपैयाँ पुगेको छ।