नागार्जुनका मेयर बस्नेतविरुद्द दोस्रो भ्रष्टाचारको आरोप, अदालतमा मुद्दा दर्ता

काठमाडौंको नागार्जुन नगरपालिकाका मेयर मोहनबहादुर बस्नेतविरूद्ध अख्तियार दुरूपयोग अनुसन्धान आयोगले गैरकानुनी सम्पत्ति आर्जनको आरोपमा विशेष अदालतमा मुद्दा दायर गरेको छ।

मेयर बस्नेतले पदमा रहँदा ८ करोड ६९ लाख ८७ हजार रुपैयाँ बराबरको गैरकानुनी सम्पत्ति आर्जन गरेको आरोप छ। अनुसन्धानले २८ करोड ६५ लाख रुपैयाँ खर्च र आय देखाएको, तर ८ करोड ६९ लाख रुपैयाँको स्रोत पुष्टि नभएको जनाएको छ।

Ads

अख्तियारले उनलाई दुई वर्षसम्म कैद र सम्पत्ति जफत गर्न माग गरेको छ। साथै, झुटा विवरण दिएको आरोपमा एक देखि तीन महिनासम्मको कैद र १० हजार रुपैयाँ जरिवाना गर्न पनि माग गरिएको छ। बस्नेतसँगै उनकी श्रीमती उर्मिला बस्नेतलाई पनि प्रतिवादी बनाइएको छ।

यसअघि पनि उनलाई भ्रष्टाचार र सम्पत्ति शुद्धीकरणको मुद्दामा मुद्दा दायर गरिएको थियो।