अख्तियार दुरुपयोग अनुसन्धान आयोगले नापी कार्यालय चाबहिलको २ र ३ नं. नापी टोली, गोकर्ण (माकलबारी) मा कार्यरत अमिन टोपजंग खत्री विरुद्ध भ्रष्टाचार मुद्दा दायर गरेको छ।
अख्तियारका अनुसार जग्गा हालसाबिक गरी जग्गाधनी दर्ता प्रमाणपुर्जा (लालपुर्जा) बनाइदिने सहजीकरण गर्ने भन्दै सेवाग्राहीसँग १ लाख ६० हजार रुपैयाँ घुस लिएको पुष्टि भएपछि खत्रीविरुद्ध विशेष अदालतमा मुद्दा दायर गरिएको हो।
खत्रीलाई सेवाग्राहीबाट घुस लिइसकेको अवस्थामा अख्तियारको टोलीले गत असार २ गते पक्राउ गरेको थियो। अनुसन्धानका क्रममा उनले आफ्नो पदको दुरुपयोग गर्दै सहजीकरणको नाममा उक्त रकम लिएको पुष्टि भएको आयोगले जनाएको छ।
प्रतिकृया