पोखरामा बेलुन विस्फोटका कारण घाइते भएका उपप्रधानमन्त्री तथा अर्थमन्त्री विष्णु पौडेल र पोखराका मेयर धनराज आचार्यको भेटघाटमा अस्पतालले रोक लगाएको छ। अस्पतालले एक विज्ञप्ति जारी गर्दै भनेको छ कि, “हालको अवस्थामा दुवैको अवस्था सामान्य भए तापनि संक्रमणको जोखिम रहेको कारण भेटघाट पूर्ण रूपमा बन्द गरिएको छ।”
हाइड्रोजन बेलुन पड्किँदा शनिबार अर्थमन्त्री पौडेल र मेयर आचार्य घाइते भएका थिए। दुवै जनालाई जलनका कारण कीर्तिपुर अस्पतालमा उपचार गरिएको हो।
मन्त्री पौडेलको हात र अनुहारमा जलन बढी भए पनि मेयर आचार्यको अनुहारमा मात्र जलन भएको अस्पतालले जनाएको छ। त्यस्तै, दुवैको फोक्सोमा धुँवा पस्न गएको कारण उनीहरूलाई सघन उपचार कक्ष (आईसीयू)मा राखेर उपचार गरियो।
अस्पतालले थप जानकारी नआएसम्म भेटघाटमा रोक लगाइएको र आज घाउको ड्रेसिङ गरिने जानकारी दिएको छ।
![कस्ता Hydro मा बढ्दैछ आकर्षण ? Hydropower Sector Analysis [भिडियोसहित]](https://bajarkochirfar.com/wp-content/uploads/2026/08/2bLqyfokqxE-maxresdefault-150x150.jpg)
प्रतिकृया