कालिन्चोक हाइड्रोपावर लिमिटेडले निष्काशन गरेको सेयर अब डिम्याट हुने भएको छ। यसका लागि कम्पनी र सीडीएस एण्ड क्लियरिङ लिमिटेडबीच वैशाख २५ गते धितोपत्र अभौतिकीकरण सम्बन्धी सम्झौता भएको छ।
अब यी सेयर डिम्याट भएपछि लगानीकर्ताको डिम्याट खातामा सिधै आउनेछ। त्यसपछि सेयर नेपाल स्टक एक्सचेन्ज (नेप्से) मा सूचीकृत हुनेछ। सूचीकृत भएको भोलिपल्टदेखि सेयर किनबेच गर्न सकिनेछ।
कम्पनीले चैत्र २२ देखि चैत्र २५ गतेसम्म सर्वसाधारणका लागि ६ लाख ८४ हजार ७ सय ५० कित्ता आईपीओ निष्काशन गरेको थियो। यसअघि नेपाल धितोपत्र बोर्डले माघ १९ गते कम्पनीलाई आईपीओ निष्काशनको अनुमति दिएको थियो।
प्रतिकृया