विदेशी पर्यटक आगमनमा वृद्धि: ११ महिनामा भित्रिए १० लाखभन्दा बढी पर्यटक , कुन देशबाट कति?

अघ्घिलो नोभेम्बरमा १ लाख ८ हजार ६३० पर्यटक नेपाल आएका थिए। यो वर्ष नोभेम्बर सुरु भएको एक सातापछि अन्तर्राष्ट्रिय उडानको संख्या केही कटौती गरिए पनि युरोपेली पर्यटकको आगमनमा उल्लेखनीय वृद्धि भएको छ। युरोपबाट २६ हजार १५५ पर्यटक आएका छन्, जसमा १५.३ प्रतिशतको वृद्धि भएको छ। तीमध्ये ६ हजार ६११ जना बेलायती पर्यटक हुन्।

चिनियाँ पर्यटकको संख्या २४.४ प्रतिशतले बढेर ९ हजार ४५८ पुगेको छ। तर, भारतीय र अमेरिकी पर्यटकको आगमनमा भने घटेको छ। भारतीय पर्यटकको संख्या १८.५ प्रतिशतले घटेर १९ हजार ९१५ रहेको छ भने अमेरिकी पर्यटकको संख्या ४.२ प्रतिशतले घटेर १० हजार ९८१ मा झरेको छ। नेपाल पर्यटन बोर्डका अनुसार यो वर्षको ११ महिनामा कुल १० लाख ५५ हजार पर्यटक नेपाल आएका छन् ।