प्रभु बैंक लिमिटेड र छिमेक लघुवित्त वित्तीय संस्था लिमिटेडले सबैले किन्न सक्ने गरी आफ्ना संस्थापक सेयर बिक्रीमा राखेका छन्। प्रभु बैंकले कुल ९,८८२ कित्ता र छिमेक लघुवित्तले २,४४,३८० कित्ता संस्थापक सेयर बिक्रीमा ल्याएका हुन्।
प्रभु बैंकले प्रतिकित्ता न्यूनतम मूल्य १०० रुपैयाँ तोकेको छ भने छिमेक लघुवित्तले प्रतिकित्ता ३९० रुपैयाँ तोकेको छ। आवेदन दिन चाहने लगानीकर्ताले प्रभु बैंकको सेयर खरीदका लागि कम्तीमा १,००० कित्ता र छिमेक लघुवित्तको सेयरका लागि कम्तीमा ५०,००० कित्ताको लागि आवेदन दिनुपर्नेछ। अधिकतममा भने सम्पूर्ण कित्ता खरिद गर्न सकिने व्यवस्था गरिएको छ।
यसअनुसार प्रभु बैंकको सेयर खरीद गर्न न्यूनतम १ लाख रुपैयाँ र छिमेक लघुवित्तको सेयर खरीद गर्न न्यूनतम १ करोड ९५ लाख रुपैयाँ आवश्यक पर्नेछ। इच्छुक लगानीकर्ताले आज (असार ३ गते) देखि आवेदन दिन सक्नेछन्, जसको अन्तिम मिति असार १० गतेसम्म रहेको छ।
बोलपत्र आवेदन फाराम काठमाडौंको नक्सालस्थित मुक्तिनाथ क्यापिटल लिमिटेडको कार्यालयबाट प्राप्त गर्न सकिनेछ।
प्रतिकृया