श्रम संस्कृति पार्टीका हर्क साम्पाङले टिकट बाँड्दै, अहिलेसम्म कहाँ कसलाई दिए टिकट ?

प्रधानमन्त्री बन्ने घोषणा सहित नयाँ श्रम संस्कृति पार्टी स्थापना गरेका हर्क साम्पाङ आगामी २१ फागुनमा हुने प्रतिनिधि सभा चुनावका लागि सक्रिय रूपमा टिकट वितरण गरिरहेका छन्। धरानका मेयर समेत रहेका साम्पाङले टिकट लिन चाहने उम्मेदवारहरूलाई धरानमै बोलाइरहेका छन् र धरानस्थित पार्टीको सम्पर्क सचिवालयमार्फत प्रत्यक्ष तर्फका उम्मेदवारहरूको टिकट जिल्ला–जिल्ला पठाइरहेका छन्।

पार्टीका महासचिव आरेन राईका अनुसार, “‘कोशी (१ नम्बर) र बागमती (३ नम्बर) प्रदेशका जिल्लाहरूमा लगभग धेरै उम्मेदवार टुंगिसकिएको छ। बाँकी क्षेत्रहरूमा पनि उम्मेदवार टुंग्याउने प्रक्रिया जारी छ।” श्रम संस्कृति पार्टीले देशभरि प्रत्यक्ष तर्फ उम्मेदवार खडा गर्ने तयारी गरिरहेको जनाएको छ।