नेपाल सरकारको श्रम, रोजगार तथा सामाजिक सुरक्षा मन्त्रालय अन्तर्गतको व्यावसायिक प्रशिक्षण केन्द्र, इटहरीले विभिन्न ४ विषयमा निःशुल्क सीपमूलक तालिम सञ्चालन गर्ने भएको छ। तालिमका लागि कुक (२० जना), एडभान्स विद्युत् जडान (२० जना), वेटर/वेट्रेस (२० जना) र सेक्युरिटी गार्ड (२० जना) गरी कुल ८० जनाको कोटा छुट्याइएको छ। न्यूनतम ८ कक्षा उत्तीर्ण गरेका र १८ वर्ष पूरा भई ४५ वर्ष ननाघेका नेपाली नागरिकहरूले २०७८ साल जेठ ८ गतेभित्र आवश्यक कागजातसहित तोकिएको स्थानमा आवेदन दिन सक्नेछन्। तालिमको अवधि २७ देखि ३३ कार्य दिनसम्म रहनेछ र सहभागी प्रशिक्षार्थीहरूलाई दैनिक ५० रुपैयाँ खाजा भत्ता समेत उपलब्ध गराइनेछ। विपन्न, दलित, अपाङ्ग, सहिद परिवार र पिछडिएको क्षेत्रका व्यक्तिलाई छनोटमा प्राथमिकता दिइने सूचनामा उल्लेख छ।
थप सुचनामा:
