एभरेष्ट बैंकको खराब कर्जा ०.७४ प्रतिशतमा सिमित, वितरणयोग्य मुनाफा दोब्बर

एभरेष्ट बैंकले चालु आर्थिक वर्ष २०८२/८३ को पहिलो त्रैमाससम्मको अपरिष्कृत वित्तीय विवरण सार्वजनिक गरेको छ। प्रकाशित विवरणअनुसार, बैंकको खुद नाफा ४.५७ प्रतिशतले बढेर १ अर्ब १७ करोड लाख रुपैयाँ पुगेको छ। अघिल्लो वर्षको सोही अवधिमा बैंकले १ अर्ब १२ करोड ७७ लाख रुपैयाँ खुद नाफा कमाएको थियो।

🔴 Quarterly Report LIVE Update [Q1]: नेप्सेमा सूचीकृत कम्पनीहरूको वित्तीय विवरणको LIVE अपडेट

Ads

Ads

Ads

पहिलो त्रैमासमा बैंकको खुद ब्याज आम्दानी १२.३८ प्रतिशतले बढेर २ अर्ब ४० करोड ३८ लाख रुपैयाँ पुगेको छ। सञ्चालन मुनाफा ४.५९ प्रतिशतले बढेर १ अर्ब ६८ करोड ५५ लाख रुपैयाँ पुगेको छ।

बैंकले इम्पेयरमेन्ट चार्जका लागि ४२ करोड ३१ लाख रुपैयाँ छुट्टाएक छ भने खराब कर्जा अनुपात ०.४ प्रतिशतबिन्दुले घटेर ०.७४ प्रतिशतमा सिमित भएको छ।

Ads

समीक्षा अवधिसम्म बैंकको वितरणयोग्य मुनाफा ५ अर्ब ४९ करोड ६० लाख रुपैयाँ पुगेको छ। अघिल्लो वर्ष यही अवधिसम्म वितरणयोग्य मुनाफा २ अर्ब १५ करोड ३२ लाख रुपैयाँ रहेको थियो।

समीक्षा अवधिमा बैंकले ३ खर्ब १३ अर्ब ८९ करोड रुपैयाँ निक्षेप संकलन गरी २ खर्ब २७ अर्ब ३४ करोड रुपैयाँ कर्जा प्रवाह गरेको छ।

बैंकको चुक्ता पूँजी १२ अर्ब ९४ करोड ४६ लाख रुपैयाँ रहेको छ भने रिटेन्ड अर्निङमा ५ अर्ब ४९ करोड ६० लाख रुपैयाँ र रिजर्भमा १४ अर्ब ४१ करोड ८८ लाख रुपैयाँ सञ्चित रहेको छ।

समीक्षा अवधिसम्म बैंकको प्रतिसेयर आम्दानी १.५९ रुपैयाँले बढेर ३६.४४ रुपैयाँ पुगेको छ। यस्तै, प्रतिसेयर नेटवर्थ २५५.६९ रुपैयाँ रहेको छ भने मूल्य आम्दानी अनुपात १७.५७ गुणा कायम रहेको छ।