जेलबाट छुटेको दुई हप्तामै दुर्गा प्रसाईंको राजनीतिक दल खोल्ने घोषणा

मेडिकल व्यवसायी दुर्गा प्रसाईंले राजनीतिक दल खोल्ने घोषणा गरेका छन्।

दुई साताअघि मात्रै डिल्लीबजार कारागारबाट छुटेका प्रसाईंले सोमबार पत्रकार सम्मेलन गर्दै आफ्नो राजनीतिक दल स्थापना गर्ने निर्णय सार्वजनिक गरेका हुन्।

Ads

प्रसाईंले बताए अनुसार, उनले अभियान मात्र सञ्चालन गर्दा समेत विभिन्न अवरोधहरू झेल्नु परेको थियो, जस्तै कोठामा ताला लगाउने घटना। यस अनुभवका आधारमा उनले राजनीतिक रूपमा सक्रिय हुनु अनिवार्य भएको निष्कर्षमा पुगेको बताएका छन्।

‘म राजनीतिक चेत बोकेको सफल व्यवसायी हुँ। अब मेरो परिवार र म भन्दा पनि नेपाल र नेपालीको हित प्राथमिकतामा छन्। राजनीतिले बिगारेको सुधारका लागि हामी राजनीति मा संलग्न हुन बाध्य भएका छौं,’ प्रसाईंले भने।

उनले केही समयमै दलको नाम घोषणा गर्ने पनि बताएका छन्। ‘म र हाम्रो अभियानका साथीहरूले राजनीतिक दल खोली त्यसमा संलग्न हुने अठोट गरेका छौं। त्यसकारण मैले राजनीतिक शक्ति निर्माणका लागि नयाँ दल गठन गर्ने निर्णय गरेको छु,’ उनले थपे।