आईपीओ निष्काशनको तयारीमा रहेको सेन्चुरी इनर्जी लिमिटेडले लाभांश प्रस्तावसहित साधारण सभा बोलाएको छ । कम्पनीले सभा हुने स्थान र समय भने सूचनामा उल्लेख गरेको छैन । सभामा कम्पनीले गत वर्षको नाफाबाट सेयरधनीलाई ८ दशमलव ५ प्रतिशत नगद लाभांश (कर सहित) प्रस्ताव पेश गर्नेछ ।
साथै, आर्थिक वर्ष २०८०/८१ को नाफा नोक्सान सम्बन्धी हिसाबका सम्बन्धमा छलफल हुनेछ । आर्थिक वर्ष २०८१/८२ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहनेछ । कम्पनीले प्रतिकित्ता २७५.११ रुपैयाँमा ३ लाख कित्ता आईपीओ जारी गर्न नेपाल धितोपत्र बोर्डसँग अनुमति मागेको छ ।
यसले प्रिमियममा आईपीओ बिक्रीका लागि स्वीकृति मागेको हो । बोर्डबाट अनुमति पाएपछि कम्पनीले ८ करोड २५ लाख ३३ हजार रुपैयाँ बराबरको सेयर बिक्री गर्नेछ । यसमा बिक्री प्रबन्धकको काम एनआइएमबि एस क्यापिटलले गर्नेछ ।
प्रतिकृया