नेपाल धितोपत्र बोर्ड र त्रिभुवन विश्वविद्यालय बीच पुँजी बजारसम्बन्धी सहकार्य सम्झौता

नेपाल धितोपत्र बोर्ड र त्रिभुवन विश्वविद्यालय व्यवस्थापन केन्द्रीय विभागबीच पुँजी बजारसम्बन्धी अध्ययन, अनुसन्धान, प्रशिक्षण तथा वित्तीय साक्षरता अभिवृद्धिका लागि सहकार्य गर्ने सम्झौता भएको छ। बुधबार आयोजित कार्यक्रममा बोर्डका अध्यक्ष सन्तोष नारायण श्रेष्ठ र विभागीय प्रमुख प्रा. भवानीशंकर आचार्यले सम्झौतापत्रमा हस्ताक्षर गरेका हुन्।

सम्झौताअनुसार धितोपत्र बजार तथा वस्तु विनिमय बजारको विकास र विस्तारसँग सम्बन्धित अध्ययन तथा अनुसन्धान अगाडि बढाउने, वित्तीय साक्षरतासम्बन्धी पाठ्यक्रम विकास गर्दै सचेतना कार्यक्रम प्रभावकारी रूपमा सञ्चालन गर्ने, त्रिभुवन विश्वविद्यालय व्यवस्थापन केन्द्रीय विभागका विद्यार्थीलाई पुँजी बजारसम्बन्धी तालिम उपलब्ध गराउने र लगानीकर्ताका लागि समेत सचेतना अभिवृद्धि कार्यक्रम सञ्चालन गर्दै बजारमा उनीहरूको सहभागिता गरिने जनाइएको छ।

Ads

Ads

Ads

यस सहकार्यमार्फत धितोपत्र बोर्डका कर्मचारीको व्यावसायिक दक्षता अभिवृद्धि गर्न विशेष तालिम तथा अन्तर्क्रिया कार्यक्रम आयोजना हुनेछ।