नेताको खल्तीबाट होइन, भोटबाटै उम्मेदवार ! कांग्रेस सुधार्न विश्वप्रकाशको ‘प्राइमरी इलेक्सन’ प्रस्ताव

नेपाली कांग्रेसका महामन्त्री विश्वप्रकाश शर्माले पार्टीभित्र नातावाद बढ्दै गएको भन्दै त्यसप्रति आलोचना भइरहेको स्वीकार गरेका छन्।

विशेष महाधिवेशनमा प्रस्तुत राजनीतिक प्रस्तावमा उनले एकै परिवारका सदस्य-विशेषगरी श्रीमान–श्रीमती एकै तहमा जनप्रतिनिधि बन्ने प्रवृत्तिले आम नागरिकमा असन्तोष बढाएको उल्लेख गरेका छन्। यस्तो अवस्था पार्टीका लागि अलोकप्रिय बन्दै गएको उनको भनाइ छ।

Ads

उम्मेदवार छनोटलाई पारदर्शी र न्यायपूर्ण बनाउन उनले प्राइमरी चुनाव (आन्तरिक मतदान) को व्यवस्था लागू गर्न प्रस्ताव गरेका छन्।

‘पार्टी भित्रको आन्तरिक सुशासनमा प्राय प्रश्न उठ्ने गरेको विषय हो– पार्टीका उम्मेदवारहरू चयनमा रहेको परम्परागत प्रणाली । हामीले उम्मेदवार चयनका लागि लोकप्रियता, योग्यता र न्यायको मिश्रण सहितको नयाँ पद्धति विकास गर्न सकेका छैनौँ ।’ प्रस्तावमा भनिएको छ।