विश्वका अग्रणी नयाँ ऊर्जा सवारी निर्माता बीवाईडीले आफ्नो डिपाईलट एड्भान्स्ड इन्टेलिजेन्ट ड्राइभिङ असिस्टेन्स सिस्टम (डिपाईलट सिस्टम) सार्वजनिक गरेको छ।
यो प्रणाली तीन भिन्न संस्करणहरू – डिपाईलट ६००, डिपाईलट ३००, र डिपाईलट १०० – सहित उपलब्ध छ। यसले स्मार्ट ड्राइभिङ प्रविधिलाई सबै ग्राहकहरूको लागि सहज बनाउँछ, र बीवाईडीले यसलाई बिना अतिरिक्त शुल्क आफ्ना सबै मोडेलमा उपलब्ध गराउने बताएको छ।
डिपाईलट प्रणालीमा उच्च प्रविधिका सेन्सर र क्यामेरा छन्, जसले स्वचालित ड्राइभिङ र पार्किङ, साथै हाई स्पिड नेभिगेसन जस्ता सुविधाहरू प्रदान गर्छ। यसले सुरक्षा, आराम र सहजता बढाउनमा योगदान पुर्याउँछ। बीवाईडीले यसको प्रणालीलाई सबै गाडीहरूको लागि उपलब्ध गराउने लक्ष्य राखेको छ, जसले ग्राहकहरूको सुरक्षा र अनुभवलाई नयाँ उचाइमा पुर्याउने विश्वास छ।
बीवाईडीले ५,००० भन्दा बढी इन्जिनियरहरूको सहयोगमा स्मार्ट ड्राइभिङ प्रविधिको विकास गर्दै, सुरक्षित र दिगो यातायात समाधानहरू प्रदान गर्ने प्रतिबद्धता व्यक्त गरेको छ।
प्रतिकृया