बिन्ध्यवासिनी हाइड्रो डेभलपमेन्ट कम्पनी लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ। विवरणअनुसार, कम्पनीको खुद नाफा २२.१३ प्रतिशतले बढेर ६ करोड ३ लाख रुपैयाँ पुगेको छ। अघिल्लो आवको सोही अवधिमा यो रकम ४ करोड ९४ लाख रुपैयाँ थियो।
कम्पनीको विद्युत बिक्री आम्दानी ३६ करोड ५३ लाख रुपैयाँबाट बढेर ३८ करोड ८३ लाख रुपैयाँ पुगेको छ। यसका अतिरिक्त, कम्पनीले १ करोड ७९ लाख रुपैयाँबराबरको अन्य आम्दानी गरेको छ।
खर्चतर्फ, प्रशासनिक खर्च ५ करोड ७९ लाख रुपैयाँ, मर्मत तथा सम्भार खर्च २ करोड १९ लाख रुपैयाँ भएको छ, भने वित्त खर्च १४ करोड १७ लाख रुपैयाँबाट घटेर १३ करोड ३७ लाख रुपैयाँमा सीमित भएको छ।
कम्पनीको चुक्तापूँजी १ अर्ब १२ करोड रुपैयाँ, कुल चालु सम्पत्ति १० करोड ८ लाख रुपैयाँ, र कुल चालु दायित्व ८ करोड ५९ लाख रुपैयाँ रहेको छ।
समीक्षा अवधिसम्म कम्पनीको प्रतिसेयर आम्दानी ५ रुपैयाँ ३५ पैसा र प्रतिसेयर नेटवर्थ १०९ रुपैयाँ ३७ पैसा कायम भएको छ।
Adsअन्य कम्पनीहरूको चौथो त्रैमासको वित्तीय विवरण सहज रूपमा पढ्न हामीलाई Facebook मा Follow गर्नुहोस्।
![‘स्वर्णिम बुल’ ल्याउने भनिएको ‘२१ बुँदे’ आउँदा पनि सेयर बजार घट्नुको रहस्य यस्तो [भिडियोसहित]](https://bajarkochirfar.com/wp-content/uploads/2026/10/HMoqXi3QlE4-maxresdefault-150x150.jpg)
प्रतिकृया