वर्षमान पुनले भने, “अहिले अर्थतन्त्रमा भएको सुधार प्रचण्ड सरकारकै कामको नतिजा हाे”

नेकपा माओवादी केन्द्रका उपमहासचिव वर्षमान पुनले अघिल्लो सरकारले गरेका राम्रा कामका कारण वर्तमानमा मुलुकको अर्थतन्त्रका केही सूचकहरुमा सकारात्मक संकेत देखिएको दाबी गरेका छन्।

बिहीबार प्रतिनिधिसभा बैठकको विशेष समयमा बोल्दै उनले स्पष्ट पारे कि अर्थतन्त्रमा देखिएका केही सुधार वर्तमान सरकारको प्रयासले नभई विगतका सरकारले गरेका राम्रा कामको प्रभाव हुन्। यद्यपि, उनले अर्थतन्त्रका वास्तविक क्षेत्रका सूचकहरुमा अहिलेसम्म कुनै सुधार देखिएको छैन भनी पनि बताए।

Ads

Ads

Ads

पुनले भने कि बैंकहरुमा ठूलो मात्रामा लगानी योग्य पैसा थुप्रिए पनि लगानीको अनुकूल वातावरण नबन्ने समस्याले अर्थतन्त्रमा प्रभाव पर्न नसकेको छ।

त्यसैगरी, उनले वर्तमान सरकारको एकपछि अर्को भ्रष्टाचार र बेथितिका घटनाले जनतामा चरम निराशा फैलाएको आरोप समेत लगाए।

उपलब्धिहरु गुम्ने र लोकतन्त्र संकटमा पर्ने जोखिम नबन्न प्रधानमन्त्रीलाई सुझाब दिनेतर्फ पनि उनले ध्यानाकर्षण गराएका छन्।