छ महिनामा साढे ७ खर्ब रेमिट्यान्स भित्रियो

चालु आर्थिक वर्षको पहिलो छ महिनामा नेपालमा रु ७ खर्ब ६३ अर्ब ८ करोड विप्रेषण (रेमिट्यान्स) भित्रिएको छ। नेपाल राष्ट्र बैंकका अनुसार, अघिल्लो वर्षको सोही अवधिको तुलनामा विप्रेषण आप्रवाह ४.१ प्रतिशतले वृद्धि भएको हो, जबकि गत वर्ष पहिलो छ महिनामा यो वृद्धिदर २२.२ प्रतिशत थियो।

अमेरिकी डलरमा विप्रेषण आप्रवाह १.१ प्रतिशतले वृद्धि भई ५ अर्ब ५८ करोड पुगेको छ। अघिल्लो वर्ष सोही अवधिमा यो वृद्धिदर १९.५ प्रतिशत थियो।

Ads

Ads

Ads

यसैगरी, समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको सङ्ख्या २ लाख ३० हजार ४३९ पुगेको छ भने पुनः श्रम स्वीकृति लिनेको सङ्ख्या १ लाख ६२ हजार ६२८ रहेको छ। अघिल्लो वर्ष यो सङ्ख्या क्रमशः २ लाख ६ हजार ३९० र १ लाख ३३ हजार ९४० थियो।