डिप्रोक्स लघुवित्त वित्तीय संस्था लिमिटेडले मिति २०८२ पुस २८ गते सोमबार चितवनको सौराहामा २४औँ वार्षिक साधारण सभा सम्पन्न गरेको छ ।
संस्थाका सञ्चालक समिति अध्यक्ष दीपक खनालको अध्यक्षतामा सम्पन्न साधारण सभाले आर्थिक वर्ष २०८१/८२ को वार्षिक प्रतिवेदन पारित गरेको छ । साथै उक्त आर्थिक वर्षका लागि लेखापरीक्षक नियुक्ति गर्ने प्रस्ताव पारित गर्दै सेयरधनीलाई १० प्रतिशत बोनस सेयर र ५ प्रतिशत नगद लाभांश (बोनस सेयर तथा नगद लाभांशमा लाग्ने कर समेत) वितरण गर्ने निर्णय गरेको छ । बोनस सेयर पश्चात संस्थाको चुक्ता पूँजी २ अर्ब ५ करोड ५१ लाख १४ हजार रुपैयाँ पुगेको छ ।
सभामा आर्थिक वर्ष २०८१/८२ को वार्षिक प्रतिवेदनमाथि सहभागी सेयरधनीहरूले उठाएका जिज्ञासाबारे अध्यक्ष खनालले स्पष्ट पारेका थिए । त्यस्तै, प्रमुख कार्यकारी अधिकृत शेषरमण आचार्यले स्वागत मन्तव्य व्यक्त गरेका थिए भने कार्यक्रम सञ्चालन कम्पनी सचिव ज्ञानेन्द्र अर्यालले गरेका थिए ।
साधारण सभाबाट संस्थापक समूहको तर्फबाट बाँकी अवधिका लागि नेपाल बैंक लिमिटेडका प्रतिनिधि प्रदीप कुमार पाठक तथा सर्वसाधारण समूहबाट शिवप्रसाद भट्टराई, आयुषी सापकोटा र पुष्करनाथ भण्डारी सञ्चालक पदमा निर्विरोध निर्वाचित भएका छन् ।
प्रतिकृया