६२ हजार कित्ता संस्थापक सेयर बिक्री गर्दै गोर्खाज फाइनान्स, सर्बसाधारणले निवेदन दिन सक्ने

• तोकिएको ३५ दिनभित्र संस्थापक सेयरधनीबाट खरीदका लागि आवेदन नपरेपछि सर्वसाधारणका लागि सेयर विक्रीमा ल्याएको हो ।

गोर्खाज फाइनान्स लिमिटेडले संस्थापक सेयर आजबाट बिक्रीमा राखेको छ । कम्पनीले संस्थापक सेयरधनी यादप राईको नाममा रहेको ६२ हजार कित्ता सेयर बिक्रीमा राखिएको हो।

बिक्रीमा राखिएको सेयरको न्यूनतम मूल्य प्रतिकित्ता १५० रुपैयाँ तोकिएको छ । यसअघि संस्थापक सेयरधनीले खरीद गर्न पाउने गरी उक्त सेयर विक्रीमा ल्याइएको थियो तर, तोकिएको ३५ दिनभित्र संस्थापक सेयरधनीबाट खरीदका लागि आवेदन नपरेपछि सर्वसाधारणका लागि सेयर विक्रीमा ल्याएको हो ।

सेयर खरिद गर्न इच्छुक लेगानीकर्ताले आवश्यक कागजातसहित सूचना प्रकाशित मिति (चैत्र, २० गते) १५ दिनभित्रमा संस्थाको प्रधान कार्यालय डिल्लीबजार, काठमाडौंमा आवेदन दिनुपर्नेछ |