समाज लघुवित्त वित्तीय संस्था लिमिटेडले छैटौं वार्षिक साधारण सभा आगामी असार ३० गते बोलाएको छ। कम्पनीको असार ८ गते बसेको सञ्चालक समितिको बैठकले साधारणसभा सर्लाहीको मलंगवास्थित जानकी फेमली होटल एण्ड पार्टी प्यालेसमा बिहान साढे ११ बजेदेखि सभा गर्ने निर्णय गरेको हो ।
उक्त सभामा सर्वसाधारण समूह ख बाट २ जना सञ्चालकको निर्वाचन गर्ने र अन्य कुनै वित्तीय संस्थासँग एकआपसमा गाभ्ने/गाभिने तथा मर्जरसम्बन्धी सम्पूर्ण कार्य गर्नका लागि सञ्चालक समितिलाई पूर्ण अख्तियारी प्रदान गर्ने विशेष प्रस्ताव पारित गरिनेछ ।
त्यस्तै, सभाले गत आव २०७९ /८० को वार्षिक प्रतिवेदन पारित गर्नुका साथै चालू आवको लागि लेखापरीक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।
साधारण सभा प्रयोजनका लागि संस्थाले आगामी असार २० गतेदेखि ३० गतेसम्मका लागि बुक क्लोज गर्ने निर्णय गरेको छ । यसर्थ, असार १९ गतेसम्म नेप्सेमा कारोबार भई कायम भएका सेयरधनीहरु मात्रै सभामा सहभागी हुन योग्य हुनेछन् ।
#Bajarkochirfar #bazarkochirfar
प्रतिकृया