रसुवागढी हाइड्रोपावरले बोलायो एकैसाथ दुई आर्थिक वर्षको वार्षिक साधारण सभा

रसुवागढी हाइड्रोपावरले एकैसाथ दुई आर्थिक वर्षको वार्षिक साधारण सभा बोलाएको छ । कम्पनीको चैत ८ गते बसेको सञ्चालक समितिको बैठकले आगामी असार ११ गते बिहान ११ बजे, कुण्डलिनी दरबार ब्यांकेट चन्डोल, काठमाडौंमा सभा आयोजना गर्ने निर्णय गरेको हो ।

उक्त सभामा आर्थिक वर्ष २०७८–०७९ र २०७९–८० को वार्षिक प्रतिवेदनमाथि छलफल गरी पारित गरिनुका साथै आर्थिक वर्ष २०८०–८१ का लागि लेखापरीक्षक नियुक्ति र पारिश्रमिक निर्धारण गर्ने प्रस्ताव पारित गरिनेछ।साथै, सभामा २ जना स्वतन्त्र सञ्चालकको नियुक्ती र सञ्चालक समितिका सदस्यहरुको बैठक भत्ता निर्धारण गर्ने प्रस्ताव समेत पारित हुनेछ ।कम्पनीले लाभांश सम्बन्धी कुनै प्रस्ताव गरेको छैन ।

Ads

Ads

Ads

साधारण सभा प्रयोजनका लागि कम्पनीले आगामी जेठ २३ बुक क्लोज गर्ने भएको छ । तसर्थ, जेठ २२ गतेसम्म सेयर खरिद गरी कायम रहने सेयरधनीहरुले मात्र सभामा भाग लिन योग्य हुनेछन।