नेपाली रेमिट्यान्स क्षेत्रकै पहिलो मर्जर सम्पन्न भएको छ।
आइएमई लिमिटेडले जीएमई रेमिटलाई प्राप्ति गरेको छ। बुधबार आईएमई रेमिट्यान्स र जिएमई रेमिटले संयुक्त कारोबार सुरुवात गरेका छन्। सन् २००१ मा स्थापना भएको आईएमई रेमिट्यान्स र २०१२ मा स्थापना भएको जिएमई रेमिटले विदेशबाट नेपालमा रेमिट्यान्स भित्र्याउन उल्लेखनीय योगदान दिएका छन्। प्राप्तिपछि बुधबार नेपाल राष्ट्र बैंकका डेपुटी गभर्नर बमबहादुर मिश्रले एकीकृत कारोबारको शुभारम्भ गरे । आइएमईले जीएमई रेमिटलाई प्राप्ति गरेपछि आइएमई लिमिटेडको नामबाट कारोबार सुरु भएको छ ।
संयुक्त कारोबारको शुभारंभ कार्यक्रममा सम्बोधन गर्दै अध्यक्ष ढकालले आइएमईले चाँडै नै आईपीओ जारी गर्ने बताए। उनले भने, ‘हामीले आइएमईलाई चाँडै नै पब्लिकमा लैजाँदैछौं । जनतालाई नै मालिक बनाउने हाम्रो अर्को यो पहल हो ।’
प्रतिकृया