भारतीय अडानी समूहले करिब ८५ करोड अमेरिकी डलर बराबरको बक्यौता तिर्न बाँकी रहेको भन्दै बङ्गलादेशमा विद्युत् आपूर्ति आधा घटाएको छ, बङ्गलादेश विद्युत् विकास बोर्ड (बीपीडीबी) का अनुसार, बीपीडीबी अध्यक्षले अन्य प्लान्टहरू चलाएर बिद्यमान खाडल पूर्ति गर्ने प्रयास भइरहेको बताए।
झारखण्डमा रहेको अडानीको गोड्डा कोइलामा आधारित प्लान्टले बङ्गलादेशको बेसलोड विद्युत् आपूर्तिको ७ देखि १० प्रतिशत भाग पूरा गर्छ, तर सेप्टेम्बरमा अडानी समूहले बङ्गलादेशलाई ८५० मिलियन डलरको बिल तिर्न सूचना दिएको थियो। बङ्गलादेशको कुल भुक्तानी सक्षमता सीमित भएको र एकै महिनामा पुरै भुक्तानी गर्न नसकिने जनाइएको छ, जसलाई क्रमशः बढाउने प्रयास भइरहेको छ।
अक्टोबरमा बङ्गलादेशले अडानीलाई नौ करोड ७० लाख अमेरिकी डलर तिरेको थियो, जुन अघिल्ला तीन महिनाको भुक्तानी भन्दा बढी हो। चिसोको मौसमले नोभेम्बरमा माग कम हुनसक्ने अनुमान छ। तर, शुक्रबार गोड्डा प्लान्टले स्थापित क्षमता १४९६ मेगावाटमध्ये ७२४ मेगावाट मात्रै आपूर्ति गरिरहेको र बङ्गलादेशलाई १६८० मेगावाट लोडसेडिङको सामना गर्नु परेको जानकारी प्राप्त भएको छ।
बङ्गलादेशले भारतको पश्चिम बंगाल र त्रिपुरा राज्यबाट पनि ११६० मेगावाट विद्युत् आयात गरिरहेको छ।
प्रतिकृया