आइसिएफसि फाइनान्स लिमिटेडले पाँच वर्ष पुरानो लाभांश बुझिलिन सेयरधनीसँग आग्रह गरेको छ । कतिपय सेयरधनीहरुले आर्थिक वर्ष ०७४/७५ को लाभांश लिन नआएपछि कम्पनीले सूचना जारी लाभांश बुझ्न आग्रह गरेको हो ।
उक्त वर्ष कम्पनीले कर समेत ८ प्रतिशत नगद लाभांश वितरण गरेको थियो । सम्बन्धित सेयरधनीहरूले आगामी एक महिनाभित्र कम्पनीको सेयर रजिष्ट्रार कार्यालय ग्लोबल आइएमई क्यापिटल लिमिटेड नक्साल, काठमाडौंमा सम्पर्क राख्नुपर्नेछ ।
साथै, तोकिएको अवधिभित्र नगद लाभांश बुझ्न नआएपश्चात लगानीकर्ता संरक्षण कोषमा जम्मा हुने कम्पनीले उल्लेख गरेको छ । कम्पनीले बोनस सेयर हितग्राही खाता र नगद लाभांश बैंक खातामा जम्मा गरिएकाले हालसम्म पनि हितग्राही खाता खोली बैंक खाता अद्यावधिक नगराएको अवस्थामा यथासिघ्र गराई आफ्नो लाभांश प्राप्त गर्न समेत कम्पनीले जनाएको छ।
प्रतिकृया