दुई कम्पनीको लाभांश सुरक्षित गर्ने आज अन्तिम दिन

सीइडीबी हाइड्रोपावर डेभलपमेन्ट कम्पनी र ओरियन्टल होटल्सको लाभांश सुरक्षित गर्ने आज असोज ६ गते आइतबार अन्तिम दिन हो । दुवै कम्पनीले साधारण सभा प्रयोजनको लागि सोमबार असोज ७ गते बुक क्लोज गर्दैछन् ।

सीइडीबी हाइड्रोपावर डेभलपमेन्ट:  कम्पनीले अघिल्लो २ आर्थिक वर्षको  नाफाबाट हाल कायम चुक्ता पुँजीको ११ प्रतिशत (कर बाहेक) का दरले बोनस सेयर वितरण गर्दैछ । यस बोनस सेयरमा लाग्ने कर बापतको रकम तिर्नु नपर्ने कम्पनीले जनाएको छ । उक्त बोनस सेयर वितरणपश्चात कम्पनीले ५४.५ प्रतिशत हकप्रद सेयर निस्कासन गर्नेछ ।

उक्त प्रस्ताव पारित गर्न कम्पनीले असोज २१ गते वार्षिक साधारण सभा बोलाएको छ । सभा, कालिमाटी ब्यांक्वेट कालिमाटी, काठमाडौंमा बिहान १० बजेदेखि सुरु हुनेछ ।

ओरियन्टल होटल्स:  कम्पनीले गत वर्षको नाफाबाट लगानीकर्तालाई ५ प्रतिशत बोनस सेयर र कर प्रयोजनको लागि ०.२६३१ प्रतिशत नगद लाभांश वितरण वितरण गर्दैछ । उक्त लाभांश पारित गर्न  कम्पनीले असोज २० गते  वार्षिक साधारण सभा बोलाएको छ । सभा नेपाल प्रशासनिक प्रशिक्षण प्रतिष्ठान जावलाखेल, ललितपुरमा बिहान ११ बजेबाट सुरु हुनेछ ।