दसैं-तिहारमा मूल्यवृद्धि नियन्त्रण गर्न ३ करोड बजेटसहित अभियान

Ads

आज (बिहीबार)देखि सहुलियत मूल्य पसलमार्फत ५० हजार क्विन्टल खाद्यान्न बिक्री सुरु भएको छ। खाद्य व्यवस्था तथा व्यापार कम्पनीका अनुसार, दाल, चामल, गेडागुडी, तेल, घिउ, र कर्णालीका रैथाने उत्पादनहरू समावेश गरी यो अभियान सञ्चालन गरिएको हो।

कम्पनीले विभिन्न चामल र दालमा प्रतिकेजी ५ रुपैयाँ, तेल, गेडागुडी, पिठो, चिउरा, चिनी, र कर्णालीका उत्पादनहरूमा प्रतिकेजी ७ रुपैयाँ छुट दिने व्यवस्था गरेको छ। काठमाडौँका थापाथली, रामशाहपथ, नख्खु, र सूर्यविनायकसहित ४२ जिल्लाका ६३ स्थानमा विक्री कक्ष राखिएका छन्। सहुलियत मूल्य पसल माघ २ गतेसम्म सञ्चालन हुनेछ।

Ads

यस अभियानका लागि सरकारले ३ करोड रुपैयाँ बजेट छुट्याएको छ। दसैँ, तिहार, र छठका समयमा दैनिक उपभोग्य वस्तुहरूको उच्च माग र सम्भावित मूल्यवृद्धि नियन्त्रण गर्न सहुलियत मूल्य पसलको आवश्यकता परेको कम्पनीले जनाएको छ।

यसका साथै, दसैँका लागि सरकारले १० रुपैयाँ छुटसहित १८ सय खसी, बोका, र च्याङ्ग्रा बिक्री गर्ने तयारी गरेको छ। यी जनावरहरू मकवानपुर, तुलसीपुर, र मुस्ताङबाट ल्याइनेछन्, र काठमाडौँको थापाथलीस्थित प्रादेशिक कार्यालय परिसरबाट खरिद गर्न सकिनेछ।