उपनिर्वाचन नजिकिएकाले रास्वपा अब आन्दोलन रोक्दै निर्वाचनमा खट्ने

राष्ट्रिय स्वतन्त्र पार्टीले सभापति रवि लामिछानेलाई राजनीतिक प्रतिशोधपूर्वक पक्राउ गरिएको विरोधमा जारी आन्दोलनको स्वरूप परिवर्तन गरेको छ। उपनिर्वाचन नजिकिएकाले पार्टीले सडक आन्दोलनलाई चुनावी अभियानमा रूपान्तरण गर्ने निर्णय गरेको हो।

केन्द्रीय समितिको बैठकले पार्टीका नेताहरूलाई २७ निर्वाचन क्षेत्रमा खटाई कार्यकर्ता भेला र जनचेतनामूलक कार्यक्रममार्फत आन्दोलन जारी राख्ने निर्णय गरेको छ। बैठकमा सडक आन्दोलनको प्रभावकारितामाथि प्रश्न उठेका कारण विरोधका कार्यक्रमलाई भेला र चुनावी अभियानमा सीमित गरिएको हो।

Ads

Ads

Ads