अन्तरवार्ताको क्रममा चौधरीले सन् २०२५ मा प्रि आइपिओ जारी गरिने र सन् २०२६ को पहिलो त्रैमासभित्र भारतीय शेयर बजारमा वाइवाइ चाउचाउको आइपिओ सूचीकृत गरिने अपेक्षा व्यक्त गरेका छन्। उनका अनुसार, प्रि आइपिओपछि कम्पनीले प्रारम्भिक सार्वजनिक प्रस्ताव (आइपिओ) पनि सन् २०२६ मा जारी गर्नेछ।

वाइवाइ चाउचाउले भारतीय बजारमा आइपिओ जारी गर्ने योजना भने सन् २०२१ मा नै सार्वजनिक गरेको थियो। त्यतिबेला चौधरी समूहको सिजी कर्प ग्लोबलले, भारतीय बजारमा विस्तारपछि चाउचाउको प्राथमिक सेयर जारी गर्ने योजना बनाएको थियो।