निफ्राको लाभांश घोषणा, कति दिँदैछ ?

नेपाल इन्फ्रास्ट्रक्चर बैंक ‘निफ्रा’ लिमिटेडले आर्थिक वर्ष २०८२/८३ को वितरणयोग्य मुनाफाबाट सेयरधनीलाई ५.२६३२ प्रतिशत नगद लाभांश वितरण गर्ने प्रस्ताव गरेको छ।

बैंक सञ्चालक समितिको १९१औँ बैठकले चुक्ता पूँजी २१ अर्ब ६० करोड रुपैयाँको ५.२६३२ प्रतिशतले हुन आउने १ अर्ब १३ करोड ६८ लाख ५१ हजार २०० रुपैयाँ नगद लाभांश (लाभांश कर प्रयोजनसमेत) वितरण गर्ने प्रस्ताव गरेको हो।

Ads

Ads

Ads

बैंकले प्रस्तावित नगद लाभांश स्वीकृतिका लागि नेपाल राष्ट्र बैंकसमक्ष अनुरोध गर्ने निर्णय गरेको छ। सञ्चालक समितिको बैठक २०८३ साल भाद्र १४ गते आइतबार बिहान ७:३० बजे बसेको थियो।

नेपाल राष्ट्र बैंकबाट लाभांश स्वीकृत भएपछि पनि यसको वितरणका लागि साधारण सभाबाट प्रस्ताव पारित हुनुपर्नेछ। साथै, कम्पनी ऐन, २०६३ को दफा १८२ (२) अनुसार नेपाल सरकार, अर्थ मन्त्रालयको स्वीकृति प्राप्त भएपछि मात्र स्वीकृत लाभांश वितरण गर्ने निर्णय बैंकले गरेको छ।

Ads