रवि विरूद्धको सम्पत्ति शुद्धीकरण र संगठित अपराधको दाबी फिर्ता लिने निर्णयविरूद्ध सर्वोच्चमा रिट दर्ता

अदालतमा राष्ट्रिय स्वतन्त्र पार्टी (रास्वपा) सभापति रवि लामिछानेविरुद्धको सम्पत्ति शुद्धीकरण र संगठित अपराधको दाबी फिर्ता लिने महान्यायाधिवक्ता सबिता भण्डारीको निर्णयविरूद्ध रिट दर्ता भएको छ। युवराज पौडेल, कानुनका विद्यार्थी आयुष बडाललगायतले पेस गरेको रिट आइतबार दर्ता गरिएको हो। सुनुवाइ माघ ६ गते हुने भएको छ।

पुस ३० मा महान्यायाधिवक्ताले रविमाथि लागेको मुद्दा फिर्ता लिन अनुमति दिएकी थिइन्। यस निर्णयलाई निवेदकले गैरकानुनी भन्दै बदर गर्न र कार्यान्वयन नगर्न अन्तरिम आदेशको माग गरेका छन्। निवेदनमा महान्यायाधिवक्ताको कार्यालयले संगठित अपराध र सम्पत्ति शुद्धीकरणसँग सम्बन्धित अभियोग कमजोर बनाउने प्रयास गरेको आरोप लगाइएको छ।

Ads

Ads

Ads

रवि लामिछानेविरुद्ध सहकारी ठगी र सम्पत्ति शुद्धीकरणको अलग अभियोग कास्की र अन्य जिल्लामा दर्ता भएको थियो। पुस ३ गते उच्च अदालत बुटवलले उनलाई धरौटीमा रिहा गर्ने आदेश दिएको थियो।