लिबरल पार्टीले नेतृत्व संकटको सामना गर्दै मार्क कार्नीलाई क्यानडाको नयाँ नेता र प्रधानमन्त्रीको रूपमा नियुक्त गर्ने निर्णय गरेको छ। पार्टीका अध्यक्ष सचित मेहराले कार्नीको विजयको घोषणा गरेका थिए, जसले १३१,६७४ मत प्राप्त गरे, जुन कुल मतको ८५.९ प्रतिशत थियो। ५९ वर्षीय कार्नी पूर्व प्रधानमन्त्री जस्टिन ट्रुडोको स्थान लिनेछन्।
मार्क कार्नीको जन्म १६ मार्च १९६५ मा क्यानडाको फोर्ट स्मिथमा भएको थियो। उनले क्यानाडा र बेलायतका केन्द्रीय बैंकहरूको नेतृत्व गरेका छन्, जहाँ उनले २००८ को वैश्विक मन्दीको समयमा क्यानडाको मौद्रिक नीति कडा बनाइ सफलतापूर्वक अर्थतन्त्रलाई स्थिर बनाएका थिए। २०१३ मा, उनले बैंक अफ इङ्गल्याण्डको गभर्नरको रूपमा कार्यभार सम्हाले, र बेलायतको ब्रेक्जिट संकटलाई व्यवस्थापन गर्दै अर्थतन्त्रलाई बचाएका थिए।
मार्क कार्नीले राजनीतिकमा पनि सफलता हासिल गरेका छन्। उनले २०१२ मा क्यानाडाका प्रधानमन्त्री स्टीफन हार्परको प्रस्ताव अस्वीकार गरेका थिए र २०१३ मा लिबरल पार्टीको नेतृत्वको चुनावमा पनि आफ्नो नाम समावेश नगरेका थिए। तर, सेप्टेम्बर २०२२ मा, जब क्यानाडाको अर्थतन्त्र संकटमा थियो, कार्नीलाई लिबरल पार्टीको आर्थिक विकास कार्यदलको प्रमुख बनाइयो।
अब, कार्नी क्यानडालाई आगामी अक्टोबरमा हुने निर्वाचन अघिसम्म नेतृत्व गर्नेछन्, जहाँ उनलाई अमेरिकी राष्ट्रपति डोनाल्ड ट्रम्पको नीति र अन्य अन्तर्राष्ट्रिय चुनौतीहरूको सामना गर्नुपर्नेछ।
प्रतिकृया