सेवाग्राहीसँग घुस लिएको आरोपमा वडा सचिव पक्राउ

अख्तियार दुरुपयोग अनुसन्धान आयोगले झापाको गौरीगञ्ज गाउँपालिका–१ का वडासचिव अजयकुमार साहलाई १० हजार रुपैयाँ घुस लिएको आरोपमा पक्राउ गरेको छ।

आयोगका अनुसार सम्बन्धविच्छेद दर्ता प्रमाणपत्र जारी गरिदिने क्रममा सेवाग्राहीसँग घुस मागेर दुःख–हैरानी दिएको भन्ने सूचना तथा उजुरीपछि इटहरी कार्यालयबाट खटिएको टोलीले उनलाई नियन्त्रणमा लिएको हो।

Ads

Ads

Ads

सेवाग्राहीबाट १० हजार रुपैयाँ घुस लिइसकेको अवस्थामा साहलाई सोही वडास्थित एक स्थानीय होटलबाट पक्राउ गरिएको आयोगले जनाएको छ।

घटनाबारे थप अनुसन्धान भइरहेको अख्तियारले जनाएको छ।