घोराही सिमेन्ट इण्डष्ट्री लिमिटेडको लाभांश सुरक्षित गर्ने मंसिर २५ गते अन्तिम दिन रहेको छ । लाभांश वितरण तथा साधारण सभा प्रयोजनका लागि कम्पनीले मंसिर २६ गते एक दिनका लागि बुक क्लोज गर्ने निर्णय गरेको छ, जसअन्तर्गत मंसिर २५ गतेसम्म नेप्सेमा कायम सेयरधनीहरू मात्र लाभांश पाउने र सभामा सहभागी हुने योग्य हुनेछन्।
कम्पनीले १०% बोनस सेयर र ०.५२६३% नगद लाभांश गरी कुल १०.५२६३% लाभांश वितरण गर्ने निर्णय गरेको छ। उक्त लाभांश पारित गर्न कम्पनीले पञ्चौ वार्षिक साधारण सभा पुस १४ गते बिहान ९ बजे दाङस्थित होटल पौवामा बोलाएको छ। सभामा हकप्रद सेयर वितरण, प्रबन्धपत्र संशोधन, वार्षिक प्रतिवेदन पारित, लेखापरिक्षकको प्रतिवेदन र वित्तीय विवरणहरू पारित, कम्पनीको कारोबार अनुमोदन, संस्थापक सेयरधनीबाट सापटी रकम व्यवस्थापन, लेखापरिक्षक नियुक्ति तथा संस्थापक सेयरधनी समूहतर्फबाट सञ्चालकहरूको निर्वाचनसमेतको प्रस्ताव उपर छलफल गरिनेछ।
प्रतिकृया