दुई कम्पनीको लाभांश सुरक्षित गर्ने आज अन्तिम दिन, कुनले कति दिँदैछ लाभांश ?

आज असोज ७ गते कामना सेवा विकास बैंक र युनिभर्सल पावर कम्पनी लिमिटेडको लाभांश सुरक्षित गर्ने अन्तिम दिन हो। दुबै कम्पनीले साधारणसभा प्रयोजनका लागि भोली असोज ८ गते बुक क्लोज गर्ने निर्णय गरेका छन्।

कामना सेवा विकास बैंकले असोज २४ गते साधारणसभा आह्वान गरेको छ, जसमा आर्थिक वर्ष २०८१/८२ को मुनाफाबाट हाल कायम चुक्ता पुँजीको १० प्रतिशत बोनस सेयर र कर प्रयोजनका लागि ५.७८९५ प्रतिशत नगद लाभांशसहित कुल १५.७८९५ प्रतिशत लाभांश वितरण गर्ने प्रस्ताव गरेको छ।

त्यस्तै, युनिभर्सल पावर कम्पनीले असोज २३ गते साधारणसभा बोलाएको छ, जसमा हाल कायम चुक्ता पुँजीको ९ प्रतिशत बोनस सेयर र कर प्रयोजनका लागि ०.४७३७ प्रतिशत नगद लाभांशसहित कुल ९.४७३७ प्रतिशत लाभांश वितरण गर्ने प्रस्ताव प्रस्तुत गरेको छ।

यी दुबै कम्पनीका प्रस्ताव साधारणसभाले पारित गरेपछि लगानीकर्ताले लाभांश प्राप्त गर्नेछन्।