पियोर इनर्जी लिमिटेडले चालु आर्थिक वर्ष २०८२/८३ को पहिलो त्रैमाससम्मको अपरिष्कृत वित्तीय विवरण प्रकाशित गरेको छ। प्रकाशित विवरणअनुसार, कम्पनीको खुद नाफा ७१.२२ प्रतिशतले बढेर ९० लाख ५ हजार रुपैयाँ पुगेको छ। अघिल्लो वर्षको सोही अवधिमा कम्पनीले ५२ लाख ५९ हजार रुपैयाँ खुद नाफा कमाएको थियो।
🔴 Quarterly Report LIVE Update [Q1]: नेप्सेमा सूचीकृत कम्पनीहरूको वित्तीय विवरणको LIVE अपडेट
कुल आम्दानी घटेपनि खर्च नियन्त्रण गर्न सफल भएको कारण कम्पनीको नाफामा वृद्धि भएको हो। अघिल्लो वर्षको पहिलो त्रैमासमा ६ करोड ८ लाख रुपैयाँ कुल खर्च गरेको कम्पनीले चालु आवमा ५ करोड ६२ लाख रुपैयाँमा सीमित गरेको छ। यता, कम्पनीको कुल आम्दानी १.०४ प्रतिशतले घटेर ६ करोड ५५ लाख रुपैयाँमा सिमित भएको छ, जुन गत वर्षको सोही अवधिमा ६ करोड ६२ लाख रुपैयाँ थियो।
८० करोड रुपैयाँ चुक्ता पूँजी रहेको पियोर इनर्जीको अन्य इक्विटी १ करोड २८ लाख रुपैयाँ रहेको छ। समीक्षा अवधिसम्म कम्पनीको कुल चालु सम्पत्ति ७ करोड १५ लाख रुपैयाँ र कुल चालु दायित्व १३ करोड ९२ लाख रुपैयाँ रहेको छ।
समीक्षा अवधिमा कम्पनीको प्रतिसेयर आम्दानी १ रुपैयाँ २१ पैसाले बढेर ४ रुपैयाँ ५० पैसा पुगेको छ। यस्तै, प्रतिसेयर नेटवर्थ १०१ रुपैयाँ ६१ पैसा र तरलता अनुपात ०.५१ गुणा रहेको छ।
प्रतिकृया