नेपाल धितोपत्र बोर्ड (सेबोन) ले आर्थिक वर्ष २०८३/८४ को पूँजी बजार नीति कार्यान्वयनका लागि विद्यमान विभिन्न निर्देशिकाहरूमा समयानुकूल संशोधन गर्ने तथा आवश्यक नयाँ निर्देशिका र मापदण्ड तर्जुमा गर्ने भएको छ।
बोर्डले सार्वजनिक गरेको कार्ययोजना (Implementation Action Matrix) मा बजारलाई थप पारदर्शी, व्यवस्थित र लगानीकर्तामैत्री बनाउन यस्तो व्यवस्था गर्न लागिएको उल्लेख छ ।
कार्ययोजनाअनुसार बोर्डले धितोपत्र निष्काशन तथा बाँडफाँड निर्देशिका, २०७४ मा संशोधन गर्नेछ। यसमार्फत सार्वजनिक निष्काशन (आईपीओ) प्रणालीलाई थप प्रभावकारी र व्यवस्थित बनाउने लक्ष्य राखिएको छ।
त्यस्तै, बुक बिल्डिङ निर्देशिका, २०७७ मा संशोधन गरी सार्वजनिक निष्काशनको मूल्य निर्धारण (Price Discovery) प्रक्रियालाई थप विश्वसनीय र पारदर्शी बनाइनेछ।
सामूहिक लगानी कोष निर्देशिका, २०६९ मा पनि परिमार्जन हुने भएको छ।
प्रतिकृया