स्वास्थ्य तथा जनसङ्ख्या मन्त्रालयको वेबसाइट ह्याकरको कब्जामा परेको छ। बिहीबार, ‘क्याप्टेन स्मोकर3R’ नामक ह्याकर समूहले वेबसाइट ह्याक गरी ‘Hacked by Captain Smoker3R’ सूचना राखेको थियो र स्वास्थ्यमन्त्री प्रदीप पौडेलसहित कर्मचारीहरूको नाम परिवर्तन गरिएको थियो। हाल, वेबसाइट डाउन अवस्थामा छ र ह्याकबाट डेटामा कति हानि भएको छ भन्ने थाहा पाउन सकिएको छैन। वेबसाइट फिर्ता ल्याउन प्रयास भइरहेको छ।
कुख्यात ह्याकर समूह ‘क्याप्टेन स्मोकर3R’ले सरकारी वेबसाइट र उच्च प्रोफाइल संस्थाहरूलाई लक्षित गरी साइबर आक्रमण गर्दै आएको छ र यो बङ्गलादेशी ह्याकर समूह ‘थन्डर साइबर टिम’सँग सम्बन्धित मानिन्छ। नेपालका सरकारी वेबसाइटहरूमा हालका दिनहरूमा निरन्तर आक्रमण भइरहेको छ।
प्रतिकृया