असारमा ६ कम्पनीको ‘लक-इन’ खुल्दै, कसको कति कित्ता कारोबारमा आउने ?

असार महिनामा ६ कम्पनीको ‘लक-इन’ खुल्दै छ। एक लघुवित्त र पाँच जलविद्युत् कम्पनीहरूको सेयरको ‘लक-इन अवधि’ सकिन लागेको हो। यि कम्पनीहरूको ५ करोड ७२ लाख कित्ता सेयर दोस्रो बजारमा कारोबारका लागि खुला हुनेछन्।

सबैभन्दा पहिले, विन्ध्यवासिनी हाइड्रोपावर डेभलपमेन्ट कम्पनी लिमिटेडको ९६ लाख ७१ हजार ८८ कित्ता सेयरको लकइन अवधि असार २ गते सकिँदैछ। हाल यस कम्पनीको संस्थापक समूहको ८४ लाख ७३ हजार ५०० कित्ता, कर्मचारीको ६७ हजार ७८८ कित्ता र आयोजना प्रभावित स्थानीयको ११ लाख २९ हजार ८०० कित्ता सेयर लक-इनमा छ।

दोर्दी खोला जलविद्युत कम्पनी लिमिटेडको ८४ लाख १२ हजार ९६० कित्ता सेयरको लकइन अवधि असार ७ गते सकिँदै छ। कम्पनीका संस्थापकहरुको ७५ लाख ९० हजार ६७५ कित्ता, कर्मचारीहरुको ६५ हजार ८६५ कित्ता र स्थानीय बासिन्दाको ७ लाख ५६ हजार ४२० कित्ता सेयर लक-इनमा छ।

एनआईसी एशिया लघुवित्त वित्तीय संस्था लिमिटेडको संस्थापक समूहको १ करोड ४५ हजार कित्ता सेयरको लक-इन अवधि असार १९ गते सकिँदैछ।

हिमालयन हाइड्रोपावर लिमिटेडको ९० लाख २१ हजार ११५ सेयरको लकइन अवधि असार २७ गते सकिँदै छ। कम्पनीका संस्थापकहरुको ८७ लाख कित्ता, कर्मचारीको ३९ हजार ३६५ कित्ता र आयोजनाबाट प्रभावित स्थानीयको २ लाख ८१ हजार ७५० कित्ता सेयर हाल लक-इनमा छ।

अप्पर सोलु हाइड्रो इलेक्ट्रिक कम्पनी लिमिटेडको १ करोड १५ लाख ८१ हजार ६५० कित्ता सेयरको लक-इन अवधि असार २९ गते सकिँदैछ। हाल संस्थापकको १ करोड १ लाख ९२ हजार ५०० कित्ता, कर्मचारीको ३९ हजार १५० कित्ता र स्थानीयको १३ लाख ५० हजार कित्ता सेयर लक-इनमा छ।

अन्ततः, अप्पर हेवाखोला हाइड्रोपावर कम्पनी लिमिटेडको ३५ लाख ३० हजार कित्ता सेयरको लक-इन अवधि असार ३१ गते समाप्त हुँदैछ। कम्पनीका संस्थापकको ३० लाख कित्ता, कर्मचारीको ३० हजार कित्ता र आयोजना प्रभावित स्थानीयको ५ लाख कित्ता सेयर लक-इनमा छ।

लक-इन अवधि समाप्त भएसँगै बजारमा ठूलो संख्यामा सेयर उपलब्ध हुने भएकाले यसले सम्बन्धित कम्पनीहरूको सेयरमूल्यमा प्रत्यक्ष असर पार्न सक्ने सम्भावना छ। लगानीकर्ताहरूले यी परिवर्तनहरूलाई सूक्ष्म रूपमा विश्लेषण गर्नु आवश्यक हुन्छ।