सर्वसाधारणले आजदेखि यी चार कम्पनीको सेयर प्रतिकित्ता १०० देखि ३७५ रुपैयाँमै किन्न पाउने

Ads

यी चार कम्पनीले एकैपटक २ लाख ६५ हजार ७२० कित्ता संस्थापक सेयर लिलामीमा ल्याएका छन्।

नेपाल इन्भेष्टमेण्ट मेगा बैंकले १ हजार ३१५ कित्ता सेयर प्रतिकित्ता १०० रुपैयाँमा, कालिका लघुवित्त वित्तीय संस्था लिमिटेडले ७ हजार ९६८ कित्ता प्रतिकित्ता ३३० रुपैयाँमा, स्वावलम्बन लघुवित्त वित्तीय संस्था लिमिटेडले ८४ हजार ६५ कित्ता प्रतिकित्ता ३७५ रुपैयाँमा र मेरोमाइक्रोफाइनान्स लघुवित्त वित्तीय संस्था लिमिटेडले १ लाख ७२ हजार ३७२ कित्ता प्रतिकित्ता ३०० रुपैयाँमा बिक्रीमा राखेका छन्।

Ads

यी सेयर खरिदका लागि संस्थापक, सर्वसाधारण, कम्पनी तथा संघसंस्था सबैले आवेदन दिन पाउनेछन्। आवेदन दिन इच्छुकले आज (भदौ ४ गते) देखि भदौ २४ गतेभित्र मुक्तिनाथ क्यापिटल लिमिटेड, नारायणचौर, नक्साल, काठमाडौंमा गोप्य शिलबन्दी बोलपत्र पेश गर्नुपर्नेछ।

बोलपत्र पेश गर्दा नेपाल इन्भेष्टमेण्ट मेगा बैंकको सम्पूर्ण १ हजार ३१५ कित्ता अनिवार्य माग्नुपर्नेछ। त्यस्तै, कालिका लघुवित्तको न्यूनतम १ हजार कित्ता, स्वावलम्बन र मेरोमाइक्रोफाइनान्स लघुवित्तका सेयरमा कम्तीमा ५ हजार कित्ता माग्नुपर्ने व्यवस्था गरिएको छ। इच्छुकले तोकिएको भन्दा बढी वा सम्पूर्ण कित्ताका लागि समेत आवेदन दिन सक्नेछन्।

यो खबर पढेर तपाईलाई कस्तो महसुस भयो ?